The Magnificent Seven - திரைவிமர்சனம்

[The Magnificent Seven - திரைவிமர்சனம் ]

John Sturges இயக்கிய இத்திரைப்படத்தில் Eli Wallach (Calvera) , Yul Brynner (Chris Larabee Adams) , Charles Bronson (Bernardo O'Reilly) மற்றும் பலர் நடித்துள்ளனர். Akira Kurosawa  இயக்கிய Seven Samurai என்ற ஜப்பானிய மொழி படத்தின் ரீமேக் என்றாலும் ஒரிஜினல் படத்தை அடித்துக்கொள்ள முடியவில்லை என்றே சொல்லவேண்டும். ஏனென்றால் ஒரிஜினல் செவென் சமுராய் படத்தில் விவசாயிகளுக்கும் சமுரைகளுக்கும்  இடையே உள்ள ரிலேஷன்ஷிப்  மிக அற்புதமாக இருக்கும். இத்திரைப்படம் சிறந்த இசைக்காக  (Elmer Bernstein) ஆஸ்கார் அவார்ட்ஸ்க்கு பரிந்துரைக்கப்பட்டது.

John Sturges,  The Great Escape, Bad Day at Black Rock,The Eagle Has Landed போன்ற படங்களை இயக்கியுள்ளார். Eli Wallach  பற்றி என்ன சொல்வது? நடிப்புலகில் மிக பெரிய ஜாம்பவான். இவருடைய மாஸ்டர் பீஸ் என்றால் அது அவர் நடித்த " The Ugly" கேரக்டர் தான். Yul Bryner, The King and I என்ற படத்திற்கு ஒரு ஆஸ்கார் வாங்கியுள்ளார். இத்திரைப்படத்தை பார்க்க முக்கிய காரணங்கள் படத்தின் இசை, Eli Wallach மற்றும் Yul Brynner-ன் நடிப்பு.

சரி படத்தின் கதை என்ன என்பதைப் பார்போம். கல்வேரா ஒரு கொள்ளைகூட்டதின் தலைவன். அவனும் அவன் கூட்டமும் சேர்ந்து ஒரு Mexican கிராமத்தை  அடிக்கடி கொள்ளை அடிகின்றனர். அறுவடை  காலம் வரும் போது சரியான நேரத்திற்கு வந்து கொள்ளை அடிக்கும் அவர்கள், மறுபடியும் வருவதாக கூறிவிட்டு செல்கின்றனர். ஏழை கிராமம் என்பதால் அவர்களால் ஒன்றும்  செய்ய  இயலவில்லை.

அந்த ஊரின் இரண்டு விவசாயிகள் , கிராமத்தை காப்பாற்ற கௌபாய் வீரர்களை தேடி டவுனிற்கு செல்கின்றனர். அங்கு கிரிஸ்- ஐ பார்க்கும் அவர்கள், தங்கள் கிராமத்தின் கதையை சொல்லி தங்களை காப்பாற்ற வேண்டும் என்று மன்றாடி கேட்டு கொள்கின்றனர். சரி என்று சொல்லும் அவன், பெரிய கூட்டம் என்பதால், தனியாக  செல்ல முடியாது என்று தன்னுடன் சேர்ந்து கொள்ளையர்களை விரட்ட சில கௌபாய்களை தேடுகின்றான்.

மற்ற வீரர்களை தேடி பிடிக்கும் காட்சிகளில், ஒவ்வொரு கௌபாய்-க்கும் ஒரு சின்ன இன்றோ இருக்கும்.  அனைத்தும் அற்புதமான காட்சிகள்.அதில் சிக்கோ என்பவன், கிரிஸ் -இன் ரசிகன். ஆதலால் தன்னையும் சேர்த்து கொள்ளுமாறு கேட்கிறான். ஆனால் அவனுக்கு அனுபவம் இல்லை என்பதால் முடியாது என்று கூறிவிடுகிறான்.  ஆறு கௌபாய்களோடு கிராமத்திற்கு செல்கின்றனர். வழியில் அவர்களை பின்தொடர்கிறான் சிக்கோ. கிராமத்தை அடைந்த பின்னர், கிராமத்தார் யாருமே அவர்களை வரவேற்க வரவில்லை. காரணம் யாரை பார்த்தாலும் அவர்களுக்கு பயம். அப்பொழுது, அங்கு உள்ள ஆலயத்தின் மணியை அடித்து, அவர்கள் வந்திருக்கும் நோக்கத்தை சொல்கிறான் சிக்கோ. இவனையும் சேர்த்து இப்பொழுது ஏழு கௌபாய்கள்.

கிராம மக்கள் அவர்களை நம்பாமல் தங்கள் வீட்டு பெண்களை வெளியே ஒரு இரகசிய இடத்தில ஒளித்து வைக்கின்றனர். அவர்களுக்கு அந்த ஏழு பேரின் மீது நம்பிக்கை இல்லை. சிறிது சிறிதாக, அவர்களை நம்ப தொடங்கும் விவசாயிகளுக்கு துப்பாக்கி சுடுவதற்கும், அந்த கொள்ளை கூட்டம் வந்தால் எப்படி சமாளிக்கலாம் என்று திட்டம் தீட்டுவதற்கும் சொல்லிக்கொடுகிறார்கள்.

அப்பொழுது, கல்வேரா தன் மூன்று  உளவாளிகளை, கிராமத்தை நோட்டம் பார்க்க அனுப்புகிறான். ஆனால் அவர்களை கௌபாய்க்கள் கொன்று விடுகின்றனர். தன் கூடத்திற்கு உணவு இல்லை என்பதால், கிராமத்தை கொள்ளை அடிக்க வருகிறான் கல்வேரா. முன் ஏற்பாட்டுடன் இருக்கும் அவர்களை தாக்குகின்றனர் கிராம மக்களும், வீரர்களும். சில கொள்ளையர்கள் இறந்தாலும், கல்வேரா தப்பித்து சென்று விடுகிறான். அவனை தாக்கி விட்டதால், அவன் பயந்து பொய் திரும்ப வரமாட்டான் என்று நினைக்கும் கிராம மக்கள், சந்தோஷத்தில் உள்ளனர். ஆனால், சிக்கோ அவர்கள் கூட்டத்தில் ஒரு ஆளாக வேவு பார்த்து வந்து, அவர்கள் போகவில்லை என்றும் ஒரு பெரிய கூடமாக இருகிறார்கள் என்றும், அவர்களுக்கு உணவு இல்லை என்பதால் கிராமத்தை கொள்ளை அடிக்க எந்த நேரமும் வரலாம் என்று சொல்கிறான்.

பயந்து போகும் கிராம மக்கள், கல்வேராக்கு பணிந்து போகலாம் என்று ஒரு சிலரும், அவனை எதிர்த்து போராடலாம் என்று வேறு சிலரும் கூறுகின்றனர். ஆனால் அவர்களை தாக்கலாம் என்று கௌபாய்கள் அவர்களை தேடி கிராமத்திற்கு வெளியே செல்கின்றனர். ஆனால் அவர்களை காணவில்லை. கிராமத்திற்கு வரும் அவர்களுக்கு ஒரே அதிர்ச்சி. கல்வேரா கிராமத்தில் உள்ள அனைவரையும் சிறை பிடித்து வைத்திருக்கிறான். இந்த மக்களுக்காக சண்டை போட இவர்கள் அருகதை அற்றவர்கள் என்றும் இந்த கிராமத்திற்குள் வர இவர்களில் சிலர் தான் உதவி புரிந்தார்கள் என்று சொல்கிறான் கல்வேரா. 

அதிர்ந்து போகும் அந்த ஏழு பேரும் என்ன செய்தார்கள்? கல்வேரா அவர்களை கொன்று விட்டானா? அந்த கிராமத்திற்காக  சண்டை போட வந்த அவர்களையே காட்டிகொடுத்த அந்த கிராமத்தினரை என்ன செய்தனர்? இது கிளைமாக்ஸ்.

அடிக்கடி ஒரே மாதரியான படம் பார்த்து போர் அடித்துவிட்டால் இதுபோன்ற வித்தியாசமான ஒரு western படம்  பார்க்கலாம்.

தாயகம் சென்றுவிட்டதால் இந்த நீண்ட இடைவெளிக்கு மன்னிக்கவும்.
 

Once Upon A Time In The West - திரைவிமர்சனம்

Once Upon  A Time In The West - திரைவிமர்சனம்  

Sergio Leone இயக்கிய இத்திரைப்படத்தில் Henry Fonda (Frank) , Charles Bronson (Harmonica), Jason Robards (Cheyenne), Claudia Cardinale  (Jill McBain)  மற்றும் பலர் நடித்துள்ளனர். இந்த திரைப்படம் இத்தாலி மற்றும் ஆங்கிலத்தில் எடுக்கபட்டாலும், அமெரிக்காவை விட ஐரோப்பிய நாடுகளில் நல்ல வரவேற்பை பெற்றது. IMDB டாப் 250 யில் 22 வது இடத்தை பிடித்துள்ளது.

Western Movies என்றால் Sergio Leone னுக்கு அல்வா சாப்பிடுவது போல. இதுவும் ஒரு ஸ்டைலிஷ் ஆன திரைப்படம். அவரது டச் ஐ முதல் காட்சியிலே பார்க்கலாம். இந்த திரைப்படத்திற்கும்   இசை Ennio Morricone. (இருவரை பற்றியும் Good, Bad &ugly-ல் நிறைய எழுதிவிட்டேன்). Jason Robards  இரண்டு ஆஸ்கார்  அவார்ட்ஸ் வென்றுள்ளார்(All the President's Men , Julia). 12 Angry Men பார்த்தவர்களுக்கு Hendry Fonda பற்றியும் அவர் நடிப்பு பற்றியும் நன்கு தெரியும்.

 

Frank என்ற ரோலுக்கு முதலில் Clint Eastwood ஐ கேட்டாலும், நெகடிவ் ரோல் என்பதால் வேண்டாம் என்று சொல்லி விட்டாராம், அதே போல் Henry Fonda அந்த சமயத்தில் பாசிடிவ் ரோல்  மற்றும் டாப் ஹீரோ வாக மட்டுமே நடித்துள்ளதால் , வில்லன் ரோலுக்கு  கதை சொல்ல வந்த இயக்குனரை அடிக்கவே வந்துவிட்டாராம். பிறகு, கதை மற்றும் அந்த கதாபாத்திரத்தை பற்றி எடுத்து சொல்லி, சம்மதிக்க வைத்தாரம் இயக்குனர். படம் முழுக்க இத்தாலி-ல் படமாகப்பட்டுள்ளது.

படத்தின் கதை என்ன என்று  பார்க்கலாம். Morton என்னும் ஒரு பெரிய ரயில்ரோடு தொழிலதிபருடன் கூட்டாளியாக உள்ளான் Frank.  Mcbain என்பவனுக்கு ஊருக்கு வெளியே ஸ்வீட்வாட்டர் என்று அழைக்கப்படும்  320 ஏக்கர் நிலம் சொந்தமாக உள்ளது, சுற்று வட்டாரத்திலே அங்கு மட்டும் தான் குடிநீர் கிடைக்கும்   கிணறு உள்ளது. ஒரு மாதம் முன்னர் ஜில் என்பவளை Orleans என்னும் ஊரில் திருமணம் செய்துக்கொள்கிறான் Mcbain. அந்த இடத்தை தனக்கு விற்குமாறு Mcbain ஐ மிரட்ட Frank - ஐ அனுப்பிகிறான் Morton. புது மனைவி ஜில்(Jill) ரயிலில் வருவதால், அவளை அழைத்து வர தன் மகனை போகச்சொல்கிறான் Mcbain. அப்பொழுது அங்கு வரும் Frank அவனையும் அவன் மூன்று பிள்ளைகளையும் மிரட்டுவதற்கு பதிலாக சுட்டு கொன்றுவிடுகிறான்.

அதேசமயம் பல வருடங்களாக Frank ஐ தேடும் Harmonica அவனை சந்திப்பதற்காக அந்த ஊருக்கு ரயிலில் வருகிறான். Harmonica வை  கொல்வதற்காக Frank – ன் 3 அடியாட்கள் ரயில் நிலையத்தில் காத்திருக்கின்றனர். அவர்களை சுட்டு வீழ்த்துகிறான் Harmonica. ( படத்தில் இது தான் முதல் காட்சி). ரயில் நிலையத்தில் தன் கணவனை தேடும் ஜில், அவர் இல்லை என்பதால், ஒரு குதிரை வண்டியில் ஸ்வீட் வாட்டர்க்கு புறப்படுகிறாள். வழியில் இளைப்பாற  ஒரு பாரில் நிறுத்துகிறான் குதிரைக்காரன். அங்கே போலீஸ் இடம் இருந்து தப்பித்து இரு கைகளில் விலங்குடன் வரும் Cheyenne-க்கு தன் பிஸ்டலை  கொடுக்கிறான் Harmonica. அங்கே  ஜில் -லை பார்க்கும் Cheyenne அவளை கண்டவுடன் மனதிற்குள் காதல் கொள்கிறான். தன் பயணத்தை தொடரும் ஜில் , வீட்டிற்க்கு சென்றதும், அனைவரும் இறந்துக்கிடப்பதை கண்டு அதிர்ச்சி அடைகிறாள். ஸ்வீட் வாட்டர் முழுவது இப்பொழுது அவளுக்கு மட்டுமே சொந்தமாகிறது.

அவள் வீட்டிற்க்கு வரும் Cheyenne, கொலைகளை  தான் செய்யவில்லை என்றும் அதற்கு காரணமான  Frank-ஐ அவள் சார்பாக அழிப்பதாக கூறிவிட்டு செல்கிறான். மறுபடியும் தன் சொந்த ஊருக்கே செல்லலாம் என்று கிளம்பும் பொது அங்கு வரும் Harmonica, Frank-ன் இரண்டு அடியாட்களிடம் இருந்து அவளை காப்பாற்றுகிறான்.பின்னர் Frank- ஐ தேடி  செல்லும் போது, அவனிடம் மாட்டி கொள்கிறான். ஒரு கால் ஊனமுற்றவன் என்பதாலும், காசு ஆசை காரணத்தினாலும் Frank morton-னுக்கு எதிராக திரும்புகிறான்.தானே நேராக சென்று ஜில்-லை கொல்வதாக சொல்லி , அவளை தேடி செல்கிறான் Frank. அப்பொழுது அங்கு மறைந்து  இருக்கும் Cheyenne, Hormonica வை காப்பாற்றுகிறான். இருவரும் தப்பித்து செல்கின்றனர். Harmonica, தான் Mcbain வீட்டில் ஒரு டாகுமென்ட் ஐ பார்த்ததாகவும், அந்த டாகுமென்ட் பற்றிய முழு விவரத்தையும்  கூறுகிறான்.

ஜில் லை கொன்றுவிடுவதாக மிரட்டி, அனைத்து சொத்துகளையும் ஏலத்தில் விடுமாறு வற்ப்புறுத்தும் Frank, தன் அடியாட்களை வைத்து யாரையும் ஏலத்தில் எடுக்க விடாமல் செய்கிறான். அத்தோடு அவனே மிக மிக குறைவான விலைக்கு அந்த இடத்தை  ஏலத்தில் எடுக்க முயற்சிக்கிறான்.  அப்பொழுது அங்கு வரும் Harmonica, அந்த இடத்தை 5000 டாலர்ஸ்க்கு ஏலத்தில் எடுக்கிறான். தன்னிடம் பணம் இல்லை என்பதாலும், Cheyenne தலைக்கு போலீஸ் 5000 டாலர்ஸ் அறிவித்துள்ளதாலும், அவனை ஒப்படைத்து இடத்தை வாங்குகிறான். 

எதற்க்காக  அனைவரும் அந்த இடத்திற்கு இவ்வளவு போட்டி போடுகிறார்கள்? அந்த இடத்தில் அப்படி என்ன தான் உள்ளது? Frank- ஐ தேடி Harmonica எதற்காக அந்த ஊருக்கு வருகிறான்?  இது தான் மீதிக்கதை.

Harmonica வை காப்பாற்றும் காட்சியில், Cheyenne ரயில் மேலே இருந்து தன் பூட்ஸ் ஐ கழற்றி, அதனுள் பிஸ்டல் லை வைத்து பூட்ஸ் ஐ கீழே இறக்கி சுடுவான். இந்த காட்சி அற்புதமாக இருந்தது.  
ஒரு ஹீரோ வை வில்லனாக காண்பிக்கும் போது, audience ஏற்று கொள்வார்களா என்று இயக்குனர்கள் யோசிப்பார்கள். அதுவும், Henry Fonda, வின் முதல் காட்சி ஒரு குடும்பத்தை சுட்டு தள்ளுவது. பின்னர் ஒரு சிறுவனை சுட்டவுடன் அவருக்கு Close up ... இயக்குனருக்கு என்ன துணிச்சல் இருக்க வேண்டும் ?

ஒரு தரமான ஸ்டைலிஷ் ஆன வெஸ்டேர்ன் கவ்பாய் மூவி. நீங்கள் ரசித்து பார்க்க கூடிய அற்புதமான திரைப்படம்.

The Good, The Bad & The Ugly - திரை விமர்சனம்

The Good, The Bad & The Ugly - Movie Review

இந்த திரைபடத்தில் Eli Wallach (Tuco) Ugly ஆகவும் Clint Eastwood( blondie) Good ஆகவும் Lee Van Cleef(Angel Eyes) Bad ஆகவும் நடித்துள்ளனர். Serigo Leone இத்திரைபடத்தை இயக்கயுள்ளார்.

இந்த திரைப்படம் IMDB -இல் டாப் ஐந்தாவது இடத்தை பிடித்துள்ளது.

இந்த திரைபடத்தின் இயக்குனர் Serigo Leone இயக்கிய A fistful of dollars, For  a few dollars More, Once upon a time in West, Once upon a time in America அனைத்தும் IMDB டாப் 250 -இல் உள்ளவை . இவரை King of Western Genre என்று சொல்லலாம்.

இந்த படத்தின் மியூசிக் டைரக்டர் Ennio Morricone பற்றி சொல்லி ஆகா வேண்டும். இவர் மியூசிக் -ஐ கோப்பி அடித்தவங்க நிறைய பேர். அதில் முக்கியமானவர் நம்ம G.V Prakash ( இரும்பு கோட்டை முரடு சிங்கம் - மொத்த BGM -யும் சுட்டு இருப்பர்).

Tuco வாக நடித்திருக்கும் eli Wallach , Jack Nicholson, Marlon Brando போன்ற மிக சிறந்த நடிகர். இவருடைய நடிப்பு இந்த படத்தின் மிகப்பெரிய பிளஸ். இவர் 1915 ஆம் ஆண்டு பிறந்தவர் . (97 நாட் அவுட் )

Clint Eastwood 4 ஆஸ்கார் அவார்ட்ஸ் வாங்கி உள்ளார் . இவர் நடிப்பை தவிர டைரக்டர் அண்ட் producer-ம் கூட. இவர் இயக்கிய  படங்கள் Millon dollar Baby, Unforgiven ஆஸ்கார் அவார்ட்ஸ் பெற்றவை.

Flags of our Fathers, Letters from Iwo Jima & Mystic River கூட இவர் இயக்கிய படங்கள் தான்.
இனி படத்தின் கதை -ஐ பார்ப்போம்.

Tuco அந்த ஊரில் தேடப்படும் ஒரு குற்றவாளி. அவன் தலைக்கு $2௦௦௦ என்று அந்த ஊர் போலீஸ் அறிவித்துள்ளது. Blondie-யும் , tuco -வும் ஒபந்தம் போட்டு கொள்கிறார்கள். blondie, tuco வை போலீஸ் இடம் ஒப்படைத்து காசு வாங்கி கொள்வான். பின்னர் Tuco வை தூக்கில் போடும் போது, அவனை காப்பாற்றி விடுவான் . எது வாடிக்கை.

ஆனால் Blondie இந்த partnership பை உடைக்கிறான். அதனால் இருவருக்கும் சண்டை ஏற்படுகிறது. Tuco - வும் Blondie -யும் பாலைவனத்தை கடக்கும் போது , ஆள் இல்லாத ஒரு குதிரை வண்டி வருகிறது. அந்த வண்டியில் bill Carson என்பவன் மட்டும் உயிருக்கு போராடி கொண்டு இருக்கிறான்.

அவன் $2௦௦,௦௦௦- ஐ மறைத்து வைத்து உள்ளதாகவும் , அந்த எடைதை பற்றி Tuco விடம் பத்தி ரகசியத்தை சொல்கிறான். தண்ணீர் கேட்கும் அவன், தண்ணீர் கொண்டு வருவதற்குள் மீதி ரகசியத்தை Blondie இடன் சொல்லிவிட்டு மடிந்து விடுகிறான். இருவரும் சேர்ந்து புதையலை நோக்கி பயணம் செய்கின்றனர்.

இரண்டு பேருக்கும் ஒருவரை ஒருவர் மனதுக்குள் பிடிக்காது என்றாலும், இருவருக்கும் ஆளுக்கு பாதி ரகசியம் தெரியும் என்பதால் சேர்ந்து பயணிக்க வேண்டிய கட்டாயம். பயணித்தின் போது கூட புதையல் ரகசியத்தை இருவரும் பகிர்ந்து கொள்ளவில்லை.

இந்த சமயத்தில் அமெரிக்க -வில் சிவில் போர் நடக்கிறது. இருவரும் கைதிகளாக மாட்டிகொள்கின்றனர். Prisoner’s Camp - க்கு அனுப்படுகின்றனர். அந்த Camp - இல் Angel eyes கேப்டன் - ஆகா உள்ளான்.

Tuco விடம் உள்ள பாதி ரகசியத்தை தெரிந்து கொள்கிறான் Angel eyes. ஆனால் மீதி பாதி ரகசியம் Blondie- க்கு தெரியும் என்பதால் Blondie - ஐ உயிரோடு விட்டுவைகிறான். இருவரும் அவனிடம் இருந்து தப்பித்து புதையலை நோக்கி பயம் செய்கிறார்கள். இந்த மூன்று பேரில் யாருக்கு புதையல் கிடைத்தது என்பது தான் மீதி படம்.

இந்த திரைப்படம் இத்தாலிய மொழி படமான Ll Buono Il brutto, Il Cattivo என்ற படத்தின் ரீமேக். இந்த படத்தில் bridge ஒன்றை தகர்க்கும் காட்சியில் உண்மையாகவே wooden bridge- ஐ கட்டி பின்பு explosives வைத்து தகர்த்து இருகிறார்கள். கிளைமாக்ஸ் காட்சியில் வரும் 5௦௦௦ -துக்கும் மேல் இருக்கும் கல்லறைகள் செட் போட்டு எடுக்க பட்டது.

படம் ஆரம்பித்து 10.5 நிமிடங்கள் வரை டயலாக் எதுவும் எல்லை . இந்த படம் முழுவதும் ஸ்பெயின் -இல் உள்ள பாலைவனத்தில் படமாக்க பட்டது.

இந்த படத்தை நிறைய தமிழ் பட இயக்குனர்கள் காப்பி அடித்துள்ளனர். காதலன் படத்தில் வரும் முக்காபுல பாடல், இரும்பு  கோட்டை முரட்டு சிங்கம் படம் etc..
மிகவும் ஸ்டைலிஷ்- ஆன இந்த திரைப்படம் $1,2௦௦,௦௦௦ செலவில் எடுக்கப்பட்டு அமெரிக்கா- வில் மட்டும் $19,௦௦௦,௦௦௦ வசூல் சாதனை படைத்துள்ளது.