The Green Mile -திரைவிமர்சனம்

The Green Mile -திரைவிமர்சனம்  

Frank Darabont இயக்கிய இத்திரைப்படத்தில் Tom Hanks (Paul Edgecomb), Michael Clarke Duncan (John Coffey) மற்றும் பலர் நடித்துள்ளனர். IMDB டாப் 250-ல் 136-வது இடத்தையும், 4 ஆஸ்கார் அவார்ட்ஸ் –க்கும்(சிறந்த நடிகர், சிறந்த படம், சிறந்த சவுன்ட் , சிறந்த திரைக்கதை ) பரிந்துரைக்கப்பட்டுள்ளது. Stephen King எழுதிய “ The Green Mile-1996” என்ற சீரியல் நாவலை தழுவி எடுக்கப்பட்ட படமாகும். 

இயக்குனர் Frank Darabont  ,4 ஆஸ்கார் அவார்ட்ஸ்-க்கு பரிந்த்துரைக்கப்பட்டவர். இவரது மற்ற முக்கிய படைப்புகள் The Shawshank Redemption , The Walking Dead, The Mist  etc ஆகும். Tom Hanks ,2 ஆஸ்கார் அவார்ட்ஸ் (Forrest Gump , Philadelphia ) வென்றுள்ளார். அவரது மற்ற புழைபெற்ற சில படங்கள் Cast Away, Saving Private Ryan , Big, The Da Vinci Code etc.

ஜெயில் - லில் நடக்கும் கதை என்றாலும், போர் அடிக்காத திரைப்படத்தை தந்ததற்கு இயக்குனரை பாராட்டலாம். இந்த படத்தை பார்க்க முக்கிய காரணங்கள் டோம் ஹான்க்ஸ்(பால் ) மற்றும்  மைகேல் கிளார்க்(ஜான் )  - இன்  அருமையான நடிப்பு, மென்மையான திரைக்கதை மற்றும் பின்னணி இசை.

அதிகாரம் இருந்தால் எப்படி வேண்டுமானாலும் நடந்துக்கொள்ளலாம் என்று எண்ணும் Percy, குற்றம் புரிந்த தண்டனைக்கைதி என்றாலும் கடுமையாக நடக்காமல்  அவர்களும் மனிதர்கள் என்று நினைக்கும் பால் ஆகிய இரு வேறு கதாப்பாதிரம் சொல்லும் ஒரே உண்மை மனிதநேயம்.மனிதனின் உடலுக்கும் மனதிற்கும் ஒரு சம்பந்தமும் கிடையாது என்பதற்கு ஜான் கதாப்பாத்திரம் ஒரு எடுத்துக்காட்டு. அவன் பார்க்க அழகாக இல்லை என்றாலும் அவன் மனது மிக அழகு.

முதியோர் இல்லத்தில் வசிக்கும் 108 வயதான பால்(Paul), டாப் ஹாட்  என்ற திரைப்படத்தை பார்த்து கண்ணீர் விடுகிறார். அவர் அழுவதற்கான  காரணம் என்ன என்று தன் தோழியிடம் சொல்லும் 1935-ல் நடக்கும் பிளாஷ் பேக்குடன் ஆரம்பிகிறது திரைக்கதை.

பால் ஜெயில் அதிகாரியாக உள்ள பிளாக் கிரீன் மையில் என்று அழைக்கப்படுகிறது. காரணம் தூக்கு தண்டனை  கைதிகள், தண்டனை நிறைவேற்ற கடைசியாக நடந்து செல்லும் மைல் , கிரீன் மைல் ஆகும். அந்த பிளாக்கில் உள்ள அணைத்து கார்ட்ஸ்- சும் குற்றம்  புரிந்த தூக்கு தண்டனை கைதிகள் என்று கொடுமை படுத்தாமல் அமைதியாக நடந்துக்கொள்கிறார்கள் , பேர்சி -யை தவிர. யாருக்கும் அவனின் திமிரும், ஆணவமும் பிடிக்கவில்லை.

ஜான்(John) என்பவன் இரண்டு சிறு குழந்தைகளை கற்பழித்து கொலை செய்தததாக குற்றம் சாட்டப்பட்டு தூக்கு தண்டனை கைதியாக அந்த பிளாக்-க்கு வருகிறான். அவன் கருப்பு இனத்தை சேர்ந்தவனும் மற்றும் உருவத்தில் மிக பெரியவனாக உள்ளான் ( குண்டா உயரமாக ). அவன் பார்க்க பிரம்மாண்டமாக இருந்தாலும் அப்பாவியாக, சிறு குழந்தையை போல இருட்டை கண்டால் பயப்படுகிறான்.

சிறுநீர் வியாதியால் (urinary infection) அவதிபடும் பாலை, பார்த்து இறக்கப்படும் ஜான், பாலை கிட்டவரும்படி அழைத்து அவனை தொடுகிறான். அப்பொழுது அவன் வியாதி அவனை விட்டு நீங்குகிறது. பின்னர் , தன் வாயின் வழியாக அந்த வியாதியை விடுகிறான். ( ஏதோ நிறைய தேனீக்கள் பறப்பது போல உள்ளது). அவனுக்குள் இப்படி ஒரு அபூர்வ சக்தி இருப்பதை கண்டு வியக்கிறான் பால். 

எதிர் செல் -லில் இருக்கும் டெல் ( Del) , ஜிங்க்லஸ் என்னும் ஒரு எலி- ஐ வளர்த்து வருகிறான். ஒரு நாள்  விளையாடிக்கொண்டிருக்கும் எலி ஐ காலால் நசுக்கி கொன்றுவிடுகிறான் பேர்சி. ஜான் அந்த எலி- ஐ எடுத்து தரச்சொல்லி, அதற்க்கு மறுபடியும் உயிர் தருகிறான். வைல்டு பில் (Wild Bill) என்னும் மற்றொரு  கைதி அந்த பிளாக்-கிற்கு வருகிறான். ஜான்-னின் பக்கத்து செல்-லில் அடைக்கப்படும் அவன் மிகவும் அடவடியாக அங்கிருக்கும் அணைத்து அதிகாரிகளுக்கும் தொல்லை கொடுக்கிறான். அவனை சாமாளிப்பது அவர்களுக்கு மிகுந்த சிரமமாக உள்ளது.

பேர்சி க்கு மிகுந்த மேலிடத்து செல்வாக்கு இருப்பதால் , அவனை ஒன்றும் செய்ய முடியவில்லை. தனக்கு அடுத்த கைதியின் தூக்கு தண்டனையை நிறைவேற்ற அதிகாரம் தந்தால் வேலை ஐ விட்டு சென்று விடுவதாக கூறுகிறான். ஆதலால் அவனுக்கு அடுத்த தூக்கு தண்டனைக்கைதி டெல் -லின் தண்டனையை நிறைவேற்ற வாய்ப்பு அளிக்கபடுகிறது. electric  சாரில் கரண்ட் வைத்து தண்டனை நிறைவேற்றுவது வழக்கம். அப்பொழுது , ஒரு sponge -ஐ தண்ணீரில் நனைத்து தலையில் வைத்தால் கரண்ட் விரைவில் பாயும், உயிரும் சீக்கிரம் பிரியும். வேண்டுமென்றே பேர்சி sponge- ஐ நனைக்காமல் , காய்ந்த sponge -ஐ வைப்பதால் டெல் துடிதுடித்து இறந்துப்போகிறான்.

இதற்கிடையில் பால் -லின் உயர் அதிகாரியின் மனைவிக்கு கான்செர் கட்டி இருப்பதால், உயிருக்கு போராடிக் கொண்டிருக்கிறாள். ஜான் அவளை காப்பாற்ற கூடும் என்று நம்பும் பால், மற்ற கார்ட்ஸ் -யின் உதவியுடன் அவனை யாருக்கும் தெரியாமல் அந்த அதிகாரியின் வீடிற்கு அழைத்து செல்கிறான். ஜான் அவளை குணமாக்கினானா? உண்மையில்  யார் அந்த 2 குழந்தைகளை கொன்றது? பேர்சி இப்படி கொடூரமாக  நடந்து கொண்டதற்கு தண்டனை என்ன? இந்த அணைத்து கேள்விகளுக்கும் ஒரே ஒரு ட்விஸ்ட்-இல்  விடை உள்ளது. திரைப்படம் பாருங்கள்.

 

பேர்சி , டெல் -லின் தண்டனையை நிறைவேற்றும்  காட்சி ( சுமார் 5 நிமிடங்கள்)  மிகவும்  கொடூரமானதாக இருந்தாலும் எதார்த்தமாக இருந்தது. பேர்சி எவ்வளவு அரக்க குணம் கொண்டவன் என்பதையும், மனிதனின் குற்றத்திற்கு தூக்கு தண்டனை தேவையா என்ற கேள்வியும் மனதிற்குள் எழுகிறது.படத்தில் வரும் குட்டி எலி Roller- தூக்கி வீசினால் உருட்டி கொண்டு வந்து தரும். நீங்கள் இந்த எலி -யை பார்த்தல், நிஜ வாழ்கையில் எலிகளை வெறுக்கவே மாட்டீர்கள். அவ்வளவு அழகு அந்த எலி.

 

ஜான் -னின் தண்டனையை நிறைவேற்றும் போது, அவன் முகத்தில் கருப்பு துணி  போர்த்தபடுகிறது. அனால் அவனோ எனக்கு இருட்டு என்றால் பயம். எனக்கு எந்த துணி வேண்டாம். துணி இல்லாமல் தண்டனையை நிறைவேற்றும்படி கேட்பான். இந்த அருமையான காட்சி-யை பார்த்துவிட்டு உங்களால் ஜான் –னுக்காக கண்ணீர்  விடாமல் இருக்கவே முடியாது. அதிசியங்களை நம்பாத பால் அவன் வாழ்வில் அதிசயம் சற்றும் எதிர்பார்க்காத  நேரத்தில் நடக்கும் போது, "மிராகள்ஸ் டூ ஹப்பேன்" என்று நம்புகிறான்.

நீங்கள் கண்டிப்பாக பார்க்கவேண்டிய அருமையான திரைப்படம் இந்த கிரீன் மைல். தயவு செய்து மிஸ் பண்ணிடாதீங்க.